Archive ref no: NCA-21081 अभिलेखालय सि. नं.: NCA-21081
आचारसंहितामा सहमति
दूवै पक्षद्वारा स्वीकृत यूद्घविराम अवधिभर पालना गर्ने आचारसंहिता
वार्ता नै समस्याको शान्तिपूर्ण निकासको महत्वपूर्ण माध्यम हो भन्ने कुरालाई हृदयङ्कम गरी वार्ताको लागि सहर वातावरण सिर्जना गर्नुपर्ने आवश्यक्तालाई महत्व दिदै, सतापक्ष (श्री ५ को सरकार) र विद्रोहीपक्ष नेकपा (माओवादी) द्वारा गरिएको युद्घविरामको घोषणाप्रति प्रतिवद्घ रहदै, युद्घविरामको स्थितिमा दुवै पक्षले पालना गर्नुपर्ने आचारसहिताका निम्नलिखित बुँदाहरुमा सहमत भएको छौ।
- १. वार्ताको माध्यमवाट समस्याको शाान्तिपुर्ण निकास खोज्न दुवै पक्ष प्रतिवद्घ र प्रयत्नरत रहने।
- २. राष्ट्रिय हितप्रति सवेदशिल रहदै महत्वपुर्ण निर्णय गर्दा आम सहमति कायम गर्न कोसिस गर्ने।
- ३. दुवै पक्षवाट सवै प्रकारका हिसात्मक बल प्रयोगका गतिविधि बन्द गर्ने। जनसमुदायमा सन्वास फैलने गरी दुवै पक्षद्घारा सशस्त्र सेनाको परिचालन र प्रयोगनगर्ने।
- ४. दुवै पक्षले संवेदनशील क्षेत्रमा एक अर्कामा उत्तेजित पार्ने खालका गतिविधि नगर्ने।
- ५. एक अर्काको कव्जामा रहेका व्यक्तिहरुलाई दुवै पक्षले क्रमिकरुपमा रिहा गर्दै जाने।
- ६. दुवै पक्षले जनहितका नियमित काम शाान्तिपूर्ण ढङ्कले गर्ने विषयमा कुनै वाधा व्यवधान नगर्ने।
- ७. सरकारी सञ्चार माध्यमवाट दुवै पक्षका विचारहरु निष्पक्ष ढङ्कले प्रवाहित गर्ने।
- ८. सञ्चार माध्यमवाट जार्ता तथा शान्ति प्रक्रियालाई प्रतिकुल असर पार्ने खालका अभिव्यक्ति कसैले नगर्ने। आ—आफ्ना आस्थाआनुसारका राजनीतिक प्रचार–प्रसार गर्दा शिष्ट तथा मर्यादित भाषाको प्रयोग गर्न ध्यान दिने।
- ९. कसैसंग इच्छाविपरीत जिन्सी वा नगदी चन्दा र आर्थिक सहयोग नउठाउने।
- १०. वार्ता अवधिभर हडताल वन्द वा चक्काजामजस्ता कार्यक्रमहरु नगर्ने तर शान्तिपूर्ण ढङ्कका सभा जुलुसहरु गर्न सकिने।
- ११. अनावश्यक खानतलासी गर्ने, गिरफ्तारी गर्ने, अपहरण गर्नेजस्ता कार्यहरु दुवै पक्षले वन्द गर्ने।
- १२. युद्धविरामको अवधिभर देशमा शान्तिव्यवस्था कायम गर्न दुवै पक्षले एक आर्कालाई सहयोग गर्ने।
- १३. खाधान्न, औषधी तथा दैनिक उपभोगका वस्तुहरु ओसारपसार गर्न बन्देज नलागाउने।
- १४. नागरिकहरुको एक स्थानबाट अर्को स्थानमा स्वतन्त्रतापूर्वक आवतजावत गर्न पाउने अधिकारको हनन दुवै पक्षले नगर्ने।
- १५. आम जनताले प्राप्त गरेका मौलिक हकको उपभोग गर्नमा कुनै किसिमको बाधा विरोध नगर्ने।
- १६. वार्तामा संलग्न हुने दुवै पक्षका व्यक्तिहरुको आगमन, गतिविधिमा कुनै प्रकारको बाधा व्यवधान नगर्ने।
- १७. विस्थापित भएकाहरुलाई आ–आफ्ना घर फर्कन र शान्तिपुर्ण ढङ्कले पुनस्थापिथ हुने कार्यमा दुवै पक्षले सहयोग गर्ने।
- १८. दुवै पक्षको सहमतिले आचारसहिताको अनुगमन टोली बनाउने।
- १९. आचारसहितामा कुनै संशोधन गर्नुपर्ने भएका दुवै पक्षको सहमतिमा मात्र गर्ने।
- २०. आचारसहिताको व्यवस्थामा कुनै विवाद देखापरे दुवै पक्ष बसी समाधान गर्ने।
- २१. दुवै पक्षको सहमतिबाट आचारसहिताको अन्त्य गर्ने सकिने।
- २२. यो आचारसहिता तत्काल लागु हुनेछ र हस्ताक्षर भएको मितिबाट तीन हस्ताभित्र पूर्णरुपमा लागु भइसक्नुपर्नेछ।
मिति —२९ फागुन २०५९
वावुराम भट्टराई
संयोजक वार्ता टोली
विद्रोहीपक्ष नेकपा माओवादी
श्री नारायणसिहं पुन
संयोजक, वार्ता टोली
सतापक्ष श्री ५ को सरकार